ویب ڈیسک: پاکستان نیول اکیڈمی میں پاسنگ آؤٹ پریڈ تقریب کا انعقاد، چیف آف آرمی سٹاف فیلڈ مارشل عاصم منیر مہمان خصوصی تھے، پاس آؤٹ ہونے والے پوزیشن ہولڈرز کیڈٹس میںانعامات تقسیم۔
تفصیلات کے مطابق پاکستان نیول اکیڈمی پی این ایس رہبر میں پاسنگ آؤٹ پریڈ کی ایک پروقار پاسنگ آؤٹ پریڈ تقریب کا انعقاد کیا گیا، جس میں فیلڈ مارشل عاصم منیر مہمان خصوصی تھے، اس موقع پر فیلڈ مارشل عاصم منیر کو پاک بحریہ کے چاق و چوبند دستے نے سلامی پیش کی.
پاسنگ آوٹ پریڈ کے موقع پر فیلڈ مارشل نے پریڈ کا معائنہ کیا، اور بعد ازاں123ویں مڈ شپ مین اور 31ویں شارٹ سروس کمیشن کورس میں نمایاں کارکردگی دکھانے والے کیڈٹس میں انعامات بھی تقسیم کیے، تقریب میں پاک بحریہ کے اعلیٰ افسران اورفارغ التحصیل کیڈٹس کے اہل خانہ نے بھی شرکت کی۔ تقریب میں اہم شخصیات کے علاوہ غیر ملکی سفارت کار بھی شریک ہوئے۔
پاسنگ آؤٹ پریڈ میں فارغ التحصیل کیڈٹس سے ذمہ داریوں کا حلف لیا گیا، جبکہ تقریب میں مہمان خصوصی نے نمایاں کارکردگی دکھانے والے کیڈٹس کو اعزازات سے نوازا جبکہ پاس آؤٹ ہونے والے کیڈٹ عبدالرحمٰن کو اعزازی شمشیر سے نوازا گیا۔
