ویب ڈیسک: اسرائیل کیخلاف جنگ میں ایرانی شہداء کی نماز جنازہ ادا کر دی گئی، جس میں ہزاروں افراد نے شرکت کی۔
ایران کے دارالحکومت تہران میں ہفتے کے روز اعلیٰ عسکری کمانڈرز سمیت 60 شہدا کی نماز جنازہ ادا کی گئی، جس میں ہزاروں کی تعداد میں شہری شریک ہوئے۔ اس کے علاوہ ایران اسرائیل جنگ کے دوران شہید ہونے والے ایرانی جوہری سائنسدانوں کی بھی نماز جنازہ ادا کردی گئی ہے۔
ایرانی ذرائع ابلاغ کے مطابق شہدا کی میتوں کو ایرانی پرچم میں لپیٹا گیا تھا اور شہدا کی تصاویر بھی آویزاں کی گئی تھیں، ایرانی میڈیا کا بتانا ہے کہ نماز جنازہ میں حکومتی اہلکار، عسکری قیادت اور قدس فورس کے کمانڈر اسماعیل قانی بھی شریک ہوئے۔
یاد رہے 12 روزہ جنگ میں ایران کی اعلیٰ عسکری قیادت اور 17 جوہری سائنسدانوں سمیت 600 سے زائد شہری شہید ہوئے ہیں۔
