قومی کرکٹ ٹیم 16جولائی کو

قومی کرکٹ ٹیم 16جولائی کو بنگلہ دیش کے لئے روانہ ہو گی

ویب ڈیسک: قومی کرکٹ ٹیم 16جولائی کو بنگلہ دیش کے لئے روانہ ہو گی جبکہ وائٹ بال ہیڈ کوچ جولائی کے پہلے ہفتے لاہور پہنچیں گے۔
ذرائع کے مطابق وائٹ بال ہیڈ کوچ ٹیم مائیک ہیسن 6یا 7جولائی کو قومی کرکٹ ٹیم کو جوائن کریں گے، مائیک ہیسن کی آمد پر سلیکشن کمیٹی کا اجلاس بھی متوقع ہے۔
سلیکشن کمیٹی ہیڈ کوچ اور کپتان سے مشاورت کے بعد حتمی اسکواڈ کا اعلان کرے گی، ڈھاکہ میں شیڈول 3 ٹی 20 میچز کے لیے ٹیم کا کیمپ کراچی میں لگائے جانے کا امکان ہے۔
ذرائع کے مطابق بنگلہ دیش کے خلاف ایک بار پھر نوجوان کرکٹرز کو موقع دیا جائے گا۔ تاہم بابر اعظم اور محمد رضوان کی ٹی 20 ٹیم میں شمولیت کے امکانات کم ہیں۔
بنگلہ دیش ٹی 20 سیریز کے لیے فاسٹ بالر شاہین آفریدی کی سلیکشن کے امکانات ہیں۔

مزید پڑھیں:  مخصوص نشستوں پرحلف برداری:اپوزیشن لیڈرخیبرپختونخوا اسمبلی کا عدالت جانےکا اعلان