ویب ڈیسک: ویسٹ انڈیز کے کوچ ڈیرن سیمی کو امپائر پر تنقید کرنا مہنگا پڑ گیا، آئی سی سی نے بھاری جرمانہ عائد کر دیا ۔
انٹرنیشنل کرکٹ کونسل نے بنگلہ دیش کرکٹ ٹیم کے کوچ ڈیرن سیمی پر جرمانہ عائد کرتے ہوئے انہیں آئی سی سی کوڈ آف کنڈکٹ کی خلاف ورزی کا مرتکب قرار دیا ہے۔
آئی سی سی نے کوچ ڈیرن سیمی کو میچ فیس کا 15 فیصد جرمانہ عائد کیا ہے جب کہ انہیں ایک ڈی میرٹ پوائنٹ بھی دیا گیا ہے۔
اس حوالے سے بتایا گیا ہے کہ ڈیرن سیمی نے آسٹریلیا کے خلاف پہلے ٹیسٹ میچ کے دوسرے روز کوڈ آف کنڈکٹ کی لیول ون خلاف ورزی کی۔
انہوں نے پلیئرز اینڈ اسپورٹس اسٹاف کے کوڈ آف کنڈکٹ کے آرٹیکل 7. 2 کی خلاف ورزی کی۔
آئی سی سی کے مطابق ڈیرن سیمی نے پریس کانفرنس میں ایک امپائر کے فیصلوں کو تنقید کا نشانہ بنایا تھا، ڈیرن سیمی نے اپنی غلطی تسلیم بھی کی ہے۔
