ویب ڈیسک: سانحہ دریائے سوات کے بعد خیبر پختونخوا میں ریسکیو کے لئے ڈرونز اور جدید آلات استعمال کرنے کا فیصلہ کر لیا گیا۔
چیف سیکرٹری خیبر پختونخوا شہاب علی شاہ کی زیر صدارت گورننس امور پر جائزہ اجلاس ہوا جس میں سیلابی صورتحال میں ارلی رسپانس سے متعلق اہم فیصلے کیے گئے۔
اجلاس میں ریسکیو کے لیے ڈرونز اور جدید آلات کے استعمال بھی فیصلہ کرتے ہوئے تجاوزات کے خلاف بلا تفریق آپریشن جاری رکھنے کی ہدایات بھی جاری کردی گئیں ۔
اجلاس میں غیر قانونی تعمیرات روکنے کے لیے دریاں کے اطراف ڈی مارکیشن شروع کرنے کی ہدایت دی گئی۔
اجلاس کے دوران ریسکیو اہلکاروں اور مقامی کمیونٹی کو موک ڈرلز دینے کا فیصلہ بھی کیا گیا۔
اجلاس سے خطاب کرتے ہوئے چیف سیکرٹری خیبر پختونخوا شہاب علی شاہ نے کہا کہ دریاں کے اطراف دفعہ 144 کا اطلاق یقینی بنایا جائے اور ہوٹلز کو لائف جیکٹس و دیگر سیفٹی آلات رکھنے کا پابند بنایا جائے۔
