ویب ڈیسک: صدر مملکت آصف علی زرداری کی جانب سے فنانس بل 26-2025 پر دستخط کر دیئے گئے ۔
قومی اسمبلی سیکرٹریٹ نے فنانس بل کی منظوری کے بعد صدر مملکت کی توثیق کے آئینی تقاضا کو پورا کرنے کے کئے بل ایوان صدر بھیجا تھا۔
صدر مملکت آصف علی زرداری نے آج بل پر دستخط کر کے فنانس بل کی توثیق کی، بل کی منظوری کے عمل میں قومی اسمبلی نے حکومت کی 10مکمل اور 2ذیلی ترامیم کی منظوری دی۔
اپوزیشن کی 78ترامیم کو ایوان نے مسترد کیا تھا، صدر کی منظوری کے بعد فنانس بل 26-2025 یکم جولائی سے نافذ العمل ہوگا۔
صدر مملکت آصف علی زرداری کی توثیق کے بعد بل گزٹ نوٹیفکیشن کے لئے بھجوا دیا گیا۔
