ویب ڈیسک: پشاور ہائیکورٹ کے وکیل اور صوبائی اسمبلی کے سابق مشیر علی عظیم آفریدی نے سپیکر بابر سلیم سواتی کو 10کروڑ ہرجانے کا نوٹس جاری کر دیا،
نوٹس میں موقف اختیار کیا گیا ہے کہ میرے خلاف پریس ریلیز جاری کی گئی جس سے ساک کو نقصان پہنچا، سپیکر نے بے بنیاد الزامات لگا کر کیریئر کو نقصان پہنچانے کی کوشش کی۔
انہوں نے نوٹس میں مزید کہنا ہے کہ کسی کے کہنے پر نہیں بلکہ خیبرپختونخوا اسمبلی کے قانونی معاون کے عہدے سے از خود استعفیٰ دیا، سپیکر نے الزام عائد کیا کہ میں سابقہ حکومت کے لیے کام کرتا ہوں کیونکہ انہوں نے تعینات کیا ہے، جو کہ غلط ہے ۔
نوٹس میں انہوں نے مزید بتایا ہے کہ سپیکر نے سیاسی سرگرمیوں میں ملوث ہونے کا بھی الزام عائد کیا جو مکمل غلط ہے، سپیکر کے پریس سیکرٹری کو بھی 10 کروڑ کا نوٹس جاری کردیا ہے۔
