ویب ڈیسک: شاہ محمود قریشی سمیت پاکستان تحریک انصاف کے اسیر سینئر رہنماؤں نے پارٹی قیادت کو حکومت سے مذاکرات کا مشورہ دیا ہے۔
رپورٹ کے مطابق مختلف جیلوں میں قید پارٹی رہنماؤں نے اپنے کھلے خط میں حکومت سے مذاکرات کرنے کی تجویز دیتے ہوئے حکومت سے مذاکرات کو بانی چیئرمین عمران خان سے ملاقات پر مشروط کر دیا۔
خط پارٹی کے سینئر نائب صدر شاہ محمود قریشی، سابق وزرا میاں محمود الرشید، ڈاکٹر یاسمین راشد، اعجاز چوہدری اور عمر سرفراز چیمہ کی جانب سے لکھا گیا ہے ۔
خط میں کہا گیا کہ ملکی تاریخ کے بد ترین بحران سے نکلنے کا واحد راستہ مذاکرات ہیں، بات چیت ہر سطح پر ہونے ضروری ہے ، سیاسی سطح پر بھی مذاکرات ضروری ہیں اور مقدرہ کی سطح پر بھی بات کرنا ضروری ہے ۔
خط میں کہا گیا کہ مذاکرات کا آغاز سیاسی سطح پر کیا جائے، تحریک انصاف کے لاہور کے اسیر رہنمائوں کو اس کا حصہ بنایا جائے۔
