ویب ڈیسک: حج 2026 کے لیے لازمی رجسٹریشن کا آغاز کردیا گیا جس کیلئے 9جولائی آخری تاریخ مقرر کی گئی ہے ۔
وازرت مذہبی امور کے ترجمان کے مطابق آن لائن پورٹل اور 15نامزد بینکوں کے ذریعے رجسٹریشن کی جاسکتی ہے ،حج 2026 کے لیے رجسٹریشن کی آخری تاریخ 9جولائی ہے۔
ترجمان نے بتایا کہ مذہبی امور میں رجسٹرڈ افراد کو سرکاری یا پرائیویٹ حج سکیم میں شمولیت کا اختیار ہو گا، پاکستانی پاسپورٹ کے اہل سمندر پار پاکستانی بھی آن لائن پورٹل کے ذریعے رجسٹریشن جلد مکمل کریں۔
وزرات مذہبی امور نے اس بات پر بھی زور دیا ہے کہ پاکستان سے سفر حج 2026 کے لیے رجسٹریشن کروانا لازمی ہے، حج پیکیج کے اخراجات اور دیگر شرائط و ضوابط حج پالیسی 2026 کے مطابق الگ سے جاری کی جائیں گی۔
