ویب ڈیسک: ایران کے انٹرنیشنل ایجنسی سے تعاون ختم کرنے پر امریکہ کو خدشات لاحق ہونے لگے، اس حوالے سے ترجمان امریکی محکمہ خارجہ ٹیمی بروس نے کہا ہے کہ انٹرنیشنل ایجنسی سے تعاون ختم کرنا افسوسناک ہے، ایران کو یورینیم افزودگی کے حوالے سے عالمی ایجنسی سے تعاون کرنا ہوگا۔
انہوں نے ہفتہ وار پریس کانفرنس میں کہا کہ ایران امریکی حملے سے پہلے یورینیم افزودگی کر رہا تھا، ایران کے پاس جوہری ہتھیار نہیں ہونے چاہئیں، ایران کے اس اقدام نے خدشات پیدا کر دیئے ہیں۔
انہوں نے غزہ کے حالات کے حوالے سے امریکہ کا موقف واضح کیا کہ غزہ میں حالات معمول پر لانے کیلئے حماس کو ہتھیار ڈالنا اور مغوی رہا کرنے ہوں گے، صدر ٹرمپ غزہ میں جنگ بندی کیلئے پرامید ہیں، امریکی صدر نے 60 روزہ جنگ بندی کا بیان اسرائیل کی رضا مندی پر دیا۔
