ویب ڈیسک: صوبہ خیبر پختون خوا میں دہشت گردی اور اس سے جام شہادت نوش کرنے اور زخمیوں کی بابت ششماہی رپورٹ جاری کر دی ، جس میں بتایا گیا ہے کہ خیبرپختونخوا: دہشتگردی واقعات میں 271 افراد شہید، 589 زخمی ہوئے۔
خیبر پختونخوا میں رواں سال پولیس، ایف سی اور عام شہریوں کی شہادتوں سے متعلق پولیس کی رپورٹ میں بتایا گیا ہے کہ رواں سال دہشتگردی واقعات میں 860 افراد شہید و زخمی ہوئے، جبکہ صوبے کے 13 اضلاع میں ان واقعات کے دوران کل 63 پولیس اہلکار شہید جبکہ 84 زخمی ہوئے ہیں۔
پولیس رپورٹ میں بتایا گیا ہے کہ صوبے میں دہشت گرد واقعات میں 101 عام شہری شہید جبکہ 292 زخمی ہوئے، رواں سال ایف سی کے 46 اہلکار شہید، 82 زخمی ہوئے، جن میں بنوں میں سب سے زیادہ 181، شمالی وزیرستان میں 155 عام شہری شہید و زخمی ہوئے۔
رپورٹ کے مطابق دہشت گردی کے واقعات میں بنوں میں 21 ، ڈی آئی خان میں 11 پولیس اہلکار، کوہاٹ میں 7 ، پشاور 6، جنوبی وزیرستان میں 4، خیبر میں 2 پولیس اہلکار شہید ہوئے۔
سی ٹی ڈی رپورٹ کے مطابق صوبہ بھرمیں ہونے والے ان واقعات میں فرنٹئیر کنسٹیبلری کے 46 اہلکار شہید اور 82 زخمی ہوئے، جن میں ضلع باجوڑ 12، کرم میں 11، شمالی وزیرستان میں 9 ایف سی اہلکار شہید ہوئے۔
دہشتگردی واقعات میں 11 خاصہ دار شہید، 18 زخمی ہوئے ہیں، جن میں ضلع بنوں میں 22 عام شہری شہید 59 زخمی، جنوبی وزیرستان میں 15 شہید 39 زخمی، جبکہ شمالی وزیرستان میں 11 شہری شہید اور 80 زخمی ہوئے ہیں۔
