ویب ڈیسک: حج2026 کیلئے لازمی رجسٹریشن شروع ہو گئی ہے، جس کیلئے 9جولائی آخری تاریخ مقرر کر دی گئی ہے۔
وازرت مذہبی امور کے ترجمان کا کہنا ہے کہ آن لائن پورٹل اور 15 نامزد بینکوں کے ذریعے رجسٹریشن کی سہولت موجود ہے، حج2026 کیلئے لازمی رجسٹریشن کی آخری تاریخ 9 جولائی مقرر کی گئی ہے۔
ترجمان نے بتایا کہ مذہبی امور میں رجسٹرڈ افراد کو سرکاری یا پرائیویٹ حج سکیم میں شمولیت کا اختیار ہو گا، پاکستانی پاسپورٹ کے اہل سمندر پار پاکستانی بھی آن لائن پورٹل کے ذریعے رجسٹریشن جلد مکمل کریں۔
وزرات مذہبی امور نے زور دیا کہ پاکستان سے سفر حج 2026 کے لیے رجسٹریشن کروانا لازمی ہے، حج پیکیج کے اخراجات اور دیگر شرائط و ضوابط حج پالیسی 2026 کے مطابق الگ سے جاری کی جائیں گی۔
