ویب ڈیسک: پاکستان کے لئے پہلا گولڈ میڈل جیتنے والے پہلوان دین محمد انتقال کرگئے۔
پہلوان دین محمد نے 1954کے ایشین گیمز میں پاکستان کے لئے گولڈ میڈل جیتا تھا، پہلوان کی عمر 100برس سے زائد تھی،بیٹے نے ان کے انتقال کی تصدیق کر دی۔
لاہور کے نواحی علاقے باٹا پور کے رہائشی دین محمد پہلوان نے پاکستان کی طرف سے منیلا میں ہونے والے ایشین گیمز میں پاکستان کا پرچم بلند کیا اور ٹائٹل جیتنے کے لیے فلپائن، بھارت اور جاپان کے پہلوانوں کو شکست دی تھی۔
دین محمد نے ایشین گیمز میں میڈل جیتنے کے علاوہ کئی انٹرنیشنل مقابلوں میں پاکستان کا پرچم بلند کیا اور کامن ویلتھ گیمز میں بھی برونز میڈل جیتا۔
صوبائی وزیر کھیل ملک فیصل ایوب کھوکھر اور ڈی جی اسپورٹس پنجاب خضر افضال چوہدری نے بابا دین محمد کے انتقال پر گہرے رنج و غم کا اظہار کیا ہے۔
