ویب ڈیسک: امریکی ریاست ٹیکساس میں شدید بارشوں اور سیلابی صورتحال کے باعث مختلف حادثات میں 51افراد ہلاک ہو گئے جبکہ 27لاپتہ لڑکیاں بھی نہ مل سکیں ۔
غیر ملکی خبر ایجنسی کے مطابق مکانات، سڑکوں اور گاڑیوں کو شدید نقصان پہنچا ہے، درخت گرنے سے راستے بند ہو گئے، مختلف حادثات میں15بچوں سمیت 51افراد ہلاک ہوگئے۔
کیر کانٹی میں 43اور برنیٹ کانٹی میں تین افراد ہلاک ہوئے، دریا کنارے لگے سمر کیمپ میں شریک تقریبا 27 لڑکیاں لاپتا ہوگئیں، جن کی تلاش کے لیے آپریشن جاری ہے۔
متاثرہ علاقوں سے 850 افراد کوریسکیو کیا گیا، اس کے علاوہ لوگوں کو متاثرہ علاقوں میں نہ جائے کی ہدایت بھی کی گئی۔
مزید بارشوں اور سیلاب کی وارننگ پر کئی کانٹیز میں ہنگامی حالت نافذ ہوگئی، گورنر نے صدر ٹرمپ سے وفاقی ایمرجنسی کا مطالبہ کر دیا۔
