494116 41926141

پاراچنار میں تشدد کے دوران ہلاک ہونے والے نوجوان کے لواحقین کا جنازہ سڑک پر رکھ کر احتجاجی مظاہرہ

پاراچنار: اپر کرم کے گاوں  زیڑان سے تعلق رکھنے والے نوجوان اسد علی کی دوران حراست ہلاکت کے بعد لواحقین نے جنازہ روڈ پر رکھ کر احتجاج کیا اور زمہ دار  اہلکاروں کے خلاف کاروائی کا مطالبہ کیا،پاراچنار میں مبینہ طور  پر پولیس تشدد سے ہلاکت کے  بعد احتجاجا مرحوم کے  رشتہ داروں نے لاش سڑک پر رکھ کر احتجاج کیا،

مزید پڑھیں:  ایبٹ آباد میں زہر آلود سیب کھانے سے 2بچے جاں بحق

ورثا کا کہنا ہے مرحوم نوجوان اسد علی ٹیکسی ڈرائیور تھا ایک ماہ قبل پاراچنار میں پولیس نے جعلی کرنسی کیس میں گرفتار کرلیا بعد ازاں جیل میں ان پر بد ترین تشدد کیا گیا ہے  جس سے اس کی حالت بگڑ گئی جنہیں فوری طور ہسپتال منتقل کردیا گیا جہاں پر وہ جانبر نہ ہوسکا ورثا نے مطالبہ کیا ہے کہ اسد علی کی زیر حراست ہلاکت پر انہیں انصاف فراہم کیا جائے اور زمہ دار اہلکاروں  کے خلاف کاروائی کی جائے،

مزید پڑھیں:  لکی مروت میں ڈاکوؤں کی فائرنگ سے نوجوان زخمی

پولیس کے مطابق جیل میں بیمار ہونے کے پر ملزم اسد علی کا مختلف ہسپتالوں میں علاج کیا گیا مگر وہ ہسپتال میں دم توڑ گیا۔