ویب ڈیسک (اسلام آباد): قومی اسمبلی میں پی آئی اے کے قابلِ استعمال اور ناقابلِ استعمال طیاروں کی تعداد کی رپورٹ پیش کردی گئی۔ وزیربرائے ہوا بازی غلام سرور خان نےتحریری جواب قومی اسمبلی میں جمع کروادیا۔
تحریری جواب کے مطابق پی آئی اے میں کل طیاروں کی تعداد 34 ہے۔اس وقت قابل مرمت طیاروں کی تعداد 31 جبکہ 3 ناقابل مرمت طیارے ہیں۔
تحرین جواب میں بتایا گیا ہے کہ کل طیاروں میں بی 777 کی تعداد 12، اے 320 کی تعداد 12، اے ٹی آر-72 کی تعداد 5 جبکہ اے ٹی آر-42 کی تعداد 5 ہے۔ قابل مرمت طیاروں میں بی 777 کی تعداد 12، اے 320 کی تعداد 12، اے ٹی آر-72 کی تعداد 4 جبکہ اے ٹی آر-42 کی تعداد 3 ہے۔
اس کےعلاوہ ناقابلِ مرمت طیاروں میں بی 777 اور اے 320 میں کوئی شامل نہیں۔ ناقابل مرمت طیاروں میں اے ٹی آر-72 کی تعداد 1 جبکہ اے ٹی آر-42 کی تعداد 2 ہے۔
