haftar

طرابلس کی آزادی اور ایردوآن کے اجرتی قاتلوں کو نکالنے تک جنگ بندی نہیں‌ ہوگی

جنرل خلیفہ حفترلیبیا کی نیشنل آرمی کے سربراہ نے واضح کیا ہے کہ طرابلس کو قومی وفاق حکومت اور اس کی وفادار ملیشیائوں کے قبضے سے آزاد کرانے اور وہاں پر ترکی کے موجود حواریوں کو نکال باہر کرنے تک کوئی جنگ بندی نہیں ہوگی۔
مشرقی شہر بن غازی میں ترکی کی مداخلت کےخلاف نکالی گئی ایک ریلی سے ٹیلفیونک خطاب میں جنرل حفتر نے کہا کہ طرابلس کو غیر ملکی بالخصوص ترکی کے اجرتی قاتلوں سے آزاد کرانے تک کسی قسم کی جنگ بندی اور امن قائم نہیں ہوسکتا۔ لیبی فوج طرابلس کو آزاد کرانے اور ترک صدر رجب طیب ایردوآن کے بھیجے گئے اجرتی قاتلوں کی بیخ کنی تک اپنی جدو جہد جاری رکھے گی۔جنرل حفتر نے مزید کہا کہ نیشنل آرمی اس وقت طرابلس کےقلب میں پہنچنے کے قریب ہے۔ کچھ ہی وقت میں ہم طرابلس کو آزاد کرالیں گے۔ طرابلس کو لیبیا سے الگ نہیں ہونے دیا جائےگا چاہے پوری دنیا کے اجرتی قاتل اکھٹے کیوں نہ ہوجائیں۔ انہوں نے کہا کہ اجرتی قاتلوں کو نکال باہر کرنے اور ملیشیائوں کے خاتمے تک کوئی جنگ بندی نہیں۔ ہم اسلحہ کے زور پر جنگ بندی قائم کریں گے۔
انہوں‌ نے کہا کہ لیبیا کو اجرتی قاتلوں کا قبرستان بنا دیں‌ گے۔ ترکی کے صدر طیب ایردوآن کی طرف سے بھیجے گئے ایک ایک جنگجو اور ان کی مدد کرنے والے مقامی خائنوں کو چن چن کر ہلاک کریں‌ گے۔

مزید پڑھیں:  رفح پر حملے کی مشاورت، نیتن یاہو اسرائیلی وفد امریکہ جانے کو تیار