6820680881581865932

اقوام متحدہ کے جنرل سیکرٹری کا مقبوضہ کشمیر میں انسانی حقوق کے احترام پرزور

اقوام متحدہ کے سیکرٹری جنرل انتونیو گوتریز نے مقبوضہ کشمیر میں انسانی اور بنیادی حقوق کے مکمل احترام اور اس مسئلے پر اقوام متحدہ کی متعلقہ قراردادوں پر عملدرآمد پر زور دیا ہے۔ وہ اتوار کی شام اسلام آباد میں وزیر خارجہ شاہ محمود قریشی کے ہمراہ مشترکہ نیوز کانفرنس سے خطاب کررہے تھے۔انہوں نے کہا کہ ہم نے اقوام متحدہ کی سلامتی کونسل کی قراردادوں پر عملدرآمد کیلئے ٹھوس موقف اختیار کیا ہے اور پاکستان اور بھارت کی طرف سے اتفاق رائے کی صورت میں مسئلے کے حل کیلئے اپنے اچھے تعلقات استعمال کرنے کی پیشکش کی ہے۔