ویب ڈیسک (چترال ):جمعرات کی صبح 11بجے چترال کے ایک مقامی ہوٹل کی تیسری منزل کی بالکونی گرگئی۔ بالکونی میں کھڑے 16 افراد نیچے گرگئے جن میں سے ایک مرد اور خاتون ڈسٹرکٹ ہیڈ کوارٹرز ہسپتال میں دم توڑ گئے جوکہ میاں بیوی بتائے جاتے ہیں۔ زخمیوں میں دو کی حالت تشویشناک بتائی جاتی ہے۔۔ پولیس ذرائع کے مطابق پنجاب کے ضلع قصور کے چار خاندانوں سے تعلق رکھنے والے 21افراد سیر سپاٹے پر چترال آئے ہوئے تھے اور اس ہوٹل کے چار مختلف کمروں میں مقیم تھے۔
