111 13

وزیراعظم عمران خان کا افغان امن عمل کی بھرپور حمایت کے عزم کا اعادہ

ویب ڈسک (اسلام اباد): وزیراعظم عمران خان نے افغان امن عمل کی بھرپور حمایت کے عزم کا اعادہ کیا ہے اور کہا ہے کہ ان کوششوں کے باعث امریکہ طالبان امن معاہدے اور بین الافغان مذاکرات کا ہونا مثبت نتائج ہیں۔

افغان صدر اشرف غنی کے ساتھ ٹیلی فون پر گفتگو کرتے ہوئے عمران خان نے دوحہ میں بین الافغان مذاکرات کو شروع کرانے کیلئے تمام متعلقہ فریقوں کی طرف سے کئے گئے اقدامات کو بھی سراہا ۔

مزید پڑھیں:  جرائم پیشہ عناصر کیخلاف پشاو رپولیس کا کریک ڈاون، 534 ملزمان گرفتار


انہوں نے تشد میں کمی کے ذریعے جنگ بندی کیلئے تمام افغان فریقوں کی کام کرنے کی اہمیت پر زور دیا۔
عمران خان نے مزید کہا کہ تمام افغان فریقوں کو اس تاریخی موقع سے فائدہ اٹھانا چاہیے اور افغانوں کی قیادت میں افغان امن عمل کے ذریعے محفوظ اور جامع سیاسی معاہدے کیلئے ملکر کام کرنا چاہیے۔

مزید پڑھیں:  نوشہرہ، پتنگ خرید و فروخت اور کاروبار کرنیوالوں کیخلاف کارروائی کا عندیہ