ویب ڈیسک (اسلام آباد): کورونا کی دوسری لہر کے تحت تعلیمی اداروں میں کورونا ایس او پیز کا معاملہ، پی ایم سی کی جانب سے میڈیکل کالجز میں داخلے کے خواہشمند 138 کورونا متاثرہ طلباء سے خصوصی امتحان لینے کا فیصلہ کرلیا ہے۔
پی ایم سی کے مطابق کورونا سے متاثرہ بچوں کا خصوصی امتحان 13 دسمبر کو لیا جائے گا،
خصوصی امتحان آج ہونے والے ایم ڈی کیٹ کے طریقہ کار کے مطابق ہی ہوگا۔
خصوصی امتحان میں بیٹھنے کے لیے بچوں سے کورونا رپورٹ جمع کروانا لازمی ہوگا، خصوصی امتحان میں 15 سے 29 نومبر کے درمیان کورونا سے متاثر ہونے والے طلباء بیٹھ سکیں گے۔