سیاسی اختلافات ایک طرف لیکن آصفہ بھٹو کی شخصیت متاثرکن ہے،علی ترین

ویب ڈیسک(اسلام آباد ):شہید محترمہ بے نظیر بھٹو کی چھوٹی بیٹی آصفہ بھٹو نے گذشتہ روز سیاست میں بڑی انٹری دی ہے ۔سابقہ وزیراعظم بینظیربھٹواورآصف زرداری کی صاحبزادی آصفہ بھٹو زرداری نے اپنی ماں کے نقش قدم پر چلتے ہوئے پنجاب سے قومی سیاست میں اپنا سیاسی سفر شروع کر دیا۔ بے نظیر بھٹو نے بھی پنجاب سے اپنی عملی سیاست کا آغاز کیا ۔
ملتان کے گھنٹہ گھر چوک پر ہونے والے پی ڈی ایم کے جلسے میں آصفہ بھٹو کی انٹری کو دبنگ انٹری قرار دیا ۔ عوام کی بڑی تعداد گذشتہ روز آصفہ بھٹو کے ساتھ چلتی رہی، انہوں نے عوام کے ساتھ سارے راستے ''چلو چلو جلسہ گاہ'' چلو کے نعرے لگائے۔
آصفہ بھٹو کی شخصیت نے گذشتہ روز ان کے ناقدین کو بھی تعریف کرنے پر مجبور کر دیا۔ تفصیلات کے مطابق ملتان کے جلسہ عام میں آصفہ بھٹو کی دبنگ انٹری پر علی ترین بھی ان کے معترف ہو گئے۔

https://twitter.com/aliktareen/status/1333411298005184520

ٹویٹر پر اپنے پیغام میں علی ترین نے کہا کہ سیاسی اختلافات ایک طرف لیکن آصفہ بھٹو کی شخصیت متاثر کن ہے۔
پی ڈی ایم کے جلسے میں آصفہ بھٹو زرداری لوگوں کی خصوصی مرکز نگاہ بننے کے ساتھ ساتھ ٹویٹر پر بھی ٹاپ ٹرینڈ رہیں۔ بے نظیر بھٹو کی بیٹی آصفہ بھٹو زرداری بھی اپنی والدہ کی طرح پر اعتماد نظر آئیں، کچھ صارفین نے تو یہاں تک کہہ دیا کہ آصفہ بھٹو میں بے نظیر بھٹو شہید کی جھلک نظر آ رہی ہے۔