معروف بھارتی مصنف رام چندرگوا نے بھارت کا سیکولر اور جمہوری چہرہ مسخ کرنے پر مودی کی سربراہی میں بھارتیہ جنتا پارٹی کو کڑی تنقید کا نشانہ بنایا ہے۔
رام چندر گوا نے مہاتما گاندھی کی برسی کے موقع پر اپنے خیالا ت کا اظہار کرتے ہوئے کہاکہ نریندر مودی کا شہریت ترمیمی ایکٹ جیسے قوانین بناکر بھارت کو ہندو ریاست میں تبدیل کرنا گاندھی کے تصورات کے منافی ہیں جو بھارت میں مسلمانوں کے مساوی حقوق چاہتے تھے۔
انہوں نے کہا کہ شہریت ترمیمی قانون کےخلاف مظاہرین نے احتجاج کا عدم تشدد کا راستہ اختیار کیا لیکن مودی حکومت تشدد کی راہ اختیار کرتے ہوئے ہر سطح پر گاندھی کے اصولوں کو پامال کررہی ہے۔
