ویب ڈیسک(پشاور): ایل آر ایچ کے کارڈیو تھراسک یونٹ کے عملے کے تین افراد میں کورونا وائرس کی تصدیق ہوگئی، متاثرہ عملے میں ایک میڈیکل آفیسر، ایک میل اور ایک فیمیل نرس شامل ہے۔
ترجمان کے مطابق ساتھ کام کرنے والے دو ڈاکٹرز کا پی سی آر نیگیٹو آگیا ہے جبکہ وارڈ کے تمام عملے کا کورونا ٹیسٹ کیا جا رہا ہے، فلوقت وارڈ میں دو مریض داخل ہیں ان کو دوسرے وارڈ شفٹ کر کے وارڈ میں جراثیم کش اسپرے کیا جا رہا ہے۔
ترجمان کا مزید کہنا تھا کہ کارڈیو تھراسک وارڈ بند نہیں کر رہے ایمرجنسی کے مریضوں کے لئے واڑڈ کھلا رہے گا۔
