ویب ڈیسک(مردان) ضلع مردان میں کورونا کیسز میں اضافے کے باعث آج سے ایک ہفتے کے لیے لاک ڈاؤن نافذ کر دیا گیا۔
ڈپٹی کمشنر مردان حبیب عارف کے مطابق مردان میں کورونا کی صورتحال تشویشناک ہو گئی ہے جس کی وجہ سے ایک ہفتے کے لیے لاک ڈاؤن لگا دیا گیا ہے۔
مردان میں اشیائے خوردونوش، میڈیکل اسٹورز کے علاوہ تمام تجارتی اور کاروباری مراکز بند رہیں گے جبکہ مردان پولیس اور انتظامیہ لاک ڈاؤن کے نفاذ کے لیے سرگرم عمل رہیں گے۔
مردان میں لاک ڈاؤن کی وجہ سے بس اڈے بھی بند کر دیے گئے ہیں۔
ڈپٹی کمشنر مردان حبیب اللّٰہ عارف کا کہنا ہے کہ مردان میں کورونا کی صورتحال تشویشناک ہوگئی ہے۔
انہوں نے کہا کہ عوام کورونا ایس او پیز پر عمل درآمد نہیں کررہے، بیشتر لوگ ماسک کا استعمال بھی نہیں کررہے۔
