ویب ڈیسک (اسلام آباد)وزیر تعلیم شفقت محمود اور نجی تعلیمی اداروں کی نمائندہ تنظیموں کے درمیان ملاقات ہوئی ،نجی تعلیمی ادارے 11 جنوری کو کھلیں گے یا نہیں، فیصلہ نہ ہوسکا،وزیر تعلیم شفقت محمود اور نجی تعلیمی اداروں کی نمائندہ تنظیموں کی ملاقات ختم ہو گئی وزیر تعلیم شفقت محمود نے 4 جنوری تک کا وقت مانگ لیا ہے۔
وفاقی وزیر کا کہنا تھا کہ4 جنوری کو بین الصوبائی وزرائے تعلیم اور این سی او سی اجلاس میں فیصلہ کریں گے، وزارت صحت کی تجاویز کے بنا تعلیمی ادارے نہیں کھول سکتے،ہم نے بچوں، اساتذہ ، سٹاف سب کی صحت کو دیکھنا ہے۔
وزارت صحت کی بریفنگ پر تعلیمی ادارے کھولنے کا فیصلہ ہوگا۔نجی تعلیمی اداروں کی مشکلات کا ادراک ہے، وزیر تعلیم کا مزید کہنا تھا کہ نجی تعلیمی اداروں کو پیکج دے رہے ہیں۔