ویب ڈیسک (لاہور)پاکستان مسلم لیگ (ن) کی ترجمان مریم اورنگزیب نے بلوچستان، مچھ واقعہ پر وزیراعظم عمران خان سے سوال کیا۔
مریم اورنگزیب نے کہا کہ عمران صاحب بلوچستان،مچھ میں اتنا بڑا ظلم ہوگیا، آپ کہاں غائب ہیں؟عمران صاحب بے گناہ کان کنوں کے ورثاءسخت سردی میں بیٹھے ہیں، آپ کہاں ہیں؟
عمران صاحب پی ڈی ایم پر ہر روز اجلاس بلاتے ہیں، ہزارہ برادری کے قتل پر اجلاس کیوں نہیں بلایا؟
انہوں کا مزید کہنا تھا کہ عمران صاحب ٹی وی لگالیں تاکہ آپ کو پتہ چل جائے کہ مچھ میں کتنا بڑا ظلم ہوا ہے، اپوزیشن دور میں وزیراعظم سے چوبیس منٹ میں پہنچنے کا مطالبہ کرنے والے عمران صاحب اب کیوں خاموش ہیں؟
مریم اورنگزیب نے کہا کہ عمران صاحب مچھ، بلوچستان جائیں اور مظلوم ہزارہ برادری کے سر پر ہاتھ رکھیں۔
