ویب ڈیسک (پشاور)خیبرپختونخوا میں مسیحاؤں پر کورونا کے اب بھی وار جاری ہیں جس کے باعث ایک اور ڈاکٹر کورونا سے شہید ہوگیا۔
تفصیلات کے مطابق ڈاکٹر احسان الحق ڈپٹی ڈائریکٹر میڈیکل سروسز پیتھالوجی ایوب میڈیکل کمپلیکس کورونا میں مبتلا ہونے کے باعث شہید ہو گئے۔
ذرائع کے مطابق ڈاکٹر احسان الحق گزشتہ تین دنوں سے ایوب میڈیکل کمپلیکس اسپتال ایبٹ آباد کے کورونا وارڈ میں داخل تھے۔
واضح رہے کہ ڈاکٹر احسان الحق کی نماز جنازہ ان کے آبائی گاؤں میں ادا کی جائے گی۔
پراونشل ڈاکٹرز اسوسیشن کے مطابق خیبر پختونخوا میں کورونا سے شہید ہونے والے ڈاکٹرز اور دیگر ہیلتھ ملازمین کی تعداد 107 ہوگئی ہے۔
اس کے علاوہ خیبر پختونخوا میں شہداء ڈاکٹرز اور دیگر ہیلتھ ملازمین کو تاحال گزشتہ سال اپریل سے منظور شدہ شہداء پیکیج سے محروم کیا۔