ویب ڈیسک (اسلام آباد)وزیراعظم عمران خان سےعالمی رہنمائوں کےدرمیان افغانستان کی صورتحال پرفون رابطےشروع ہوگئےہیں۔
وزیراعظم عمران خان کو برطانوی وزیراعظم بورس جانسن نےٹیلیفون کیاجس میں دونوں رہنمائوں نےافغانستان کی موجودہ صورتحال پرتبادلہ خیال کیا۔
عمران خان نےپاکستان کیلئےپرامن اورمستحکم افغانستان کی اہمیت پرزوردیتےہوئےکہاکہ تمام افغانوں کےتحفظ،سلامتی اورحقوق کااحترام یقینی بناناانتہائی اہم ہے۔
وزیراعظم نےافغانستان میں ایک جامع سیاسی تصفیےکی اہمیت پربھی زوردیا۔
انہوں نےافغانستان سےسفارتی، بین الاقوامی اداروں کےعملےاوردیگرافراد کےانخلا میں پاکستان کےمثبت کردارکواجاگرکیا۔دونوں وزرائےاعظم کا افغانستان میں ابھرتی ہوئی صورتحال کےپیش نظررابطہ میں رہنےپراتفاق کیا۔
دوسری جانب وزیراعظمعمران خان نےڈنمارک کی وزیراعظم سےٹیلیفونک رابطہ کیااوران سےافغانستان کی موجودہ صورتحال پرتبادلہ خیال کیا۔
قبل ازیں وزیراعظم عمران خان کوترک صدررجب طیب اردگان بھی فون کرچکےہیں جبکہ جرمن چانسلرانجیلامرکل نےبھی ان سےرابطہ کیاہے۔
