ویب ڈیسک (صوابی) : سپیکر قومی اسمبلی اسد قیصر نے ھنڈ میں تقریب سے خطاب کیا ، خطاب میں انکا کہنا تھا کہ آج ھنڈ کے عوام کو بڑا تحفہ دیا ہے ، ھنڈ کی اپنی تاریخ ہے ھم ھنڈ کی تاریخی اہمیت کو بحال کرنا چاہتے ہیں ،یہاں پر سیاحت کو فروغ دینگے تاکہ روزگار کے موقع میسر ہو سکے ، تورخم باڈر کو کھول دیاہے ، رشکئی اکنامک زون پاکستان کا سب سے بڑا اکنامک زون بنے گا جس سے روزگار کے نئے مواقعے میسر ہونگے۔
سپیکر قومی اسمبلی کا خطاب میں مزید کہنا تھا کہ ڈی آئی خان پشاور موٹر وے جے سی سی کے ایجنڈے پر ہیں ، چکدرہ سے چترال تک موٹر و ے تورخم تک ریلوے لائن بھی جے سی سے کے ایجنڈے میں ہے ، یہ تینوں کام خیبرپختونخوا کے دور میں ہو رہے ہیں ، پرانی حکومتوں نے پختونخوا کو نذر انداز کیا ہے ۔
انکا مزید کہنا تھا کہ ایک مرلے زمین پر اور چھوٹی باتوں پر یہاں لوگ ایک دوسرے کو قتل کر دیتے ہیں ، علماء کرام و مشران سے میری درخواست ہے کہ عوام میں شعور پیدا کریں ، انسان کو نقصان پہنچانا و انسان کا قتل انسانیت کا قتل ہے ، اپنے بچوں کو تعلیم دے ان کے ہاتھ میں قلم دیں ، نبی آخرالزماں محمد ﷺعربی کی ذندگی کو ان کے سامنے لائے ۔
