ویب ڈیسک (اسلام آباد)الیکشن کمیشن نےسینیٹریوسف رضا گیلانی کوطلب کرلیا۔
الیکشن کمیشن نےپیپلز پارٹی رہنما یوسف رضا گیلانی کو 22 مارچ کو طلب کیا ہے۔ یوسف رضا گیلانی کو الیکشن کمیشن لا ونگ کی جانب سے نوٹس جاری کر دیا گیا ہے۔
جاری کردہ نوٹس کے مطابق یوسف رضا گیلانی کے خلاف نااہلی کی درخواست سماعت کے لیےمقررہوچکی ہے اور وہ 22 مارچ کو ذاتی حیثیت میں یا بذریعہ وکیل پیش ہوں۔
الیکشن کمیشن نے علی حیدر گیلانی کو بھی نوٹس جاری کر دیا۔ درخواست گزار فرخ حبیب، کنول شوذب اور ملیکہ بخاری کو بھی نوٹس جاری کیےگئےہیں۔
چیف الیکشن کمشنر کی سربراہی میں 5 رکنی بینچ 22 مارچ کو سماعت کرے گا۔ الیکشن کمیشن نے سینیٹ انتخابات سے پہلے ویڈیو اسکینڈل پر نوٹسز جاری کیے۔