ویب ڈیسک: اسرائیلی فوج نے لبنان کے دارالحکومت بیروت کے جنوبی ٹاؤن میں حزب اللہ ہیڈ کوارٹر پر حملہ کرکے حسن نصرت اللہ کو نشانہ بنانے کا دعویٰ کیا ہے ۔
عرب میڈیا کے مطابق اسرائیلی فورسز کی جانب سے طاقتور میزائلوں کے ذریعے فضائی حملے کئے گئے ۔
عرب میڈیا کا بتانا ہے کہ اسرائیلی فوج نے ائیرپورٹ روڈ پر مخصوص عمارت کو نشانہ بنایا، اسرائیلی طیاروں نے البرج عمارت پر 10 میزائل داغے۔
دوسری جانب اسرائیلی فوج کی جانب سیکہا گیا ہے کہ اسرائیلی فورسز نیحزب اللہ کے سینٹرل کمانڈ کو بمباری کا نشانہ بنایا۔
اسرائیلی فوج کے ترجمان نے کہا ہے کہ حزب اللہ کا سینٹرل کمانڈ عمارت کے نیچے قائم کیا گیا تھا، بمباری کا اصل ہدف حزب اللہ سربراہ حسن نصراللہ تھے۔
عرب میڈیا کے مطابق گزشتہ 5 روز میں یہ اسرائیلی فوج کی بیروت پر سب سے طاقتور بمباری ہے، جنوبی ٹاؤن پراسرائیلی بمباری میں 4 عمارتوں کو نقصان پہنچا۔
ایرانی خبررساں ادارے تسنیم نیوز ایجنسی کا کہنا ہے کہ اسرائیلی حملے میں حزب اللہ کے سربراہ حسن نصر اللہ محفوظ رہے تاہم حزب اللہ کی جانب سے اب تک اس بارے میں کوئی اعلان نہیں کیا گیا۔
ایک سینیئر ایرانی سکیورٹی ذرائع نے خبررساں ایجنسی رائٹرز کو بتایا ہے کہ ایران حسن نصر اللہ کے بارے میں معلومات حاصل کررہا ہے۔
رائٹرز کے مطابق حزب اللہ کے قریبی ذرائع کا کہنا ہے کہ اسرائیلی حملوں میں حسن نصر اللہ کی شہادت نہیں ہوئی ہے۔
