ویب ڈیسک(اسلام آباد):اسلام آباد:بین الصوبائی وزراء تعلیم کا اجلاس وفاقی وزیر شفقت محمود کی زیر صدارت اجلاس ہوا۔ جس میں تعلیمی اداروں کے لیے آئندہ کا لائحہ عمل طے کیا گیا۔
اجلاس کے بعد وزیر تعلیم شفقت محمود کی ڈاکٹر فیصل سلطان کے ہمراہ میڈیا سے گفتگو.
وزیر تعلیم شفقت محمود نے کہا کہ 13مارچ کو سکول بند کرنے کا مشکل فیصلہ کیا تھا،کورونا کے دوران بچوں کے امتحانات لینا ناممکن تھا،حالات کا جائزہ لے کر تمام فیصلے کیے گئے تھے.
وزیر تعلیم نے کہا کہ ماہرین کی رائے ، تھنک ٹینکس رپورٹ اور خطے کی صورتحال کا جائزہ لیا ہے،تعلیمی اداروں کو بتدریج کھولنے کا فیصلہ کیا ہے، 15ستمبر سے یونیورسٹیاں اور کالجز کھولے جائیں گے،15ستمبر سے ہائرایجوکیشن ادارےاور پروفیشنل ادارے کھول دیئے جائیں گے.
وزیر تعلیم شفقت محمود نے کہا کہ سکول کھولے جانے کے دوران ایس او پیزپر مکمل عمل کرایا جائے گا،صبرو تحمل اور تعاون پر تمام والدین کا مشکور ہوں.
