ویب ڈیسک: وفاقی وزیر خزانہ حماد اظہر کی پریس کانفرنس
ان کا کہنا تھا کہ پٹرول اور ڈیزل کی قیمت میں کمی کریں گے،پٹرول کی قیمت میں ڈیڑھ روپے کمی کا فیصلہ کیا ہے،ڈیزل کی قیمت میں تین روپے فی لیٹر کمی کی جائے گی.
وفاقی وزیر خزانہ نۓ کہا کہ بھارت سے 5 لاکھ ٹن چینی درآمد کریں گے، جون کے اختتام تک بھارت سے کاٹن درآمد کی بھی اجازت دیں گے، تاریخ کے سب سے بڑے کرنٹ اکاؤنٹ خسارے کا سامنا کیا.
ان کا کہنا تھا کہ چینی کی قیمت پاکستان سے کم ہونے پر بھارت سے درآمد کا فیصلہ کیا، گندم کی امدادی قیمت 1800 روپے رکھنے کا فیصلہ کیا، اسٹیٹ بینک کی خودمختاری کا فیصلہ عالمی معیار کے مطابق کیا.
ان کا کہنا تھا کہ کرنسی اپنے زور پر کھڑی ہے، اس میں ڈالر نہیں جھونک رہے، ہمارے فیصلوں کی بنیاد پاکستان اور عوام کی فلاح ہوگی، کبھی کبھی حکومت کو سخت فیصلے بھی کرنے پڑتے ہیں.
حماد اظہر کا کہنا تھا کہ اسٹیٹ بینک کی خودمختاری کا بل پارلیمنٹ میں لے کر جائیں گے، اسٹیٹ بینک کے بل پر اسٹیک ہولڈرز کی تجاویز لیں گے.