پشاور : خیبرپختونخوا محکمہ اوقاف کا کورونا وائرس کی روک تھام کے لئے اقدامات، نماز جمعہ دو شفٹوں میں ادا کی جائے تاکہ جمعہ اجتماعات میں رش سے بچا جاسکے.محکمہ اوقاف خیبر پختونخوا نے تمام ضروری اقدامات کا اعلامیہ جاری کردیا.
اعلامیہ کے مطابق نماز جمعہ اور دیگر نمازیں مساجد کے ہال کی بجائے برآمدوں اور صحنوں میں ادا کیا جائے، نماز کے دوران صفحوں میں اضافی جگہ قائم کی جائے، صفحوں کے درمیان ایک صف سے زائد فاصلہ رکھا جائے.بزرگوں اور بچوں کی مساجد میں آنے کی حوصلہ شکنی کی جائے.آئمہ کرام جمعہ کے خطبات میں صفائی ستھرائی کی اہمیت پر روشنی ڈالیں.
