5e367c75de835

عاصم اظہر اور امریکی میوزیکل بینڈ کا مشترکہ میوزک ایلبم ریلیز

پاکستانی گلوکار و موسیقار عاصم اظہر کا امریکی میوزیکل بینڈ ’کریویلا‘ کے ساتھ مشترکہ میوزیکل ایلبم ’زیرو‘ ریلیز کردیا گیا۔

میوزیکل ایلبم ’زیرو‘ اگرچہ مکمل طور پر پاکستانی نژاد امریکی بہن گلوکاروں یاسمین یوسف اور جہان کا میوزیکل ایلبم ہے تاہم اس میوزیکل ایلبم کو تیار کرنے میں عاصم اظہر نے ان کا ساتھ دیا۔

عاصم اظہر نے دونوں بہنوں کے میوزیکل ایلبم کے ایک گانے کی موسیقی کی تیاری میں بینڈ کے ساتھ معاونت کی بلکہ انہوں نے ’زیرو‘ میوزیکل ایلبم کے گانے ’پیراڈائیز‘ کو پروڈویوس بھی کیا۔

مزید پڑھیں:  پاکستان سمیت دنیا بھر میں تھیٹر کا عالمی دن

’زیرو‘ کو 31 جنوری کو ریلیز کیا گیا تھا اس سے قبل دسمبر 2019 میں امریکی میوزیکل بینڈ نے پاکستانی موسیقار کے اشتراک کرنے پر ان کا شکریہ ادا کیا تھا۔

کریویلا کے میوزک ایلبم کو متعدد آن لائن اور ڈیجیٹل میوزیکل آڈیو و ویڈیو پلیٹ فارمز پر ریلیز کردیا گیا اور عاصم اظہر نے بھی اپنی ٹوئٹ میں اپنے پروڈیوس کردہ گانے کی ویڈیو شیئر کی۔

خیال رہے کہ زیرو‘ ایلبم میں مجموعی طور پر 11 گانے ہیں جن میں سے 4 گانے میوزیکل بینڈ نے مختلف ممالک سے تعلق رکھنے والے گلوکاروں و موسیقاروں کی مدد سے تیار کیے ہیں۔

مزید پڑھیں:  پاکستان سمیت دنیا بھر میں تھیٹر کا عالمی دن

پاکستانی نژاد امریکی گلوکاراؤں یاسمین یوسف اور جہان، تقریبا ایک دہائی سے زائد عرصے سے میوزک سے وابستہ ہیں اور انہوں نے اپنے بینڈ کے تحت متعدد گانے ریلیز کیے ہیں۔

انہیں نہ صرف امریکا کی متعدد ریاستوں بلکہ متعدد جنوبی امریکی ممالک، یورپی ممالک اور بھارت سمیت پاکستان میں بھی شہرت حاصل ہے۔

انہوں نے بھی میوزک ایلبم کی ریلیز کے موقع پر انسٹاگرام پر خوشی کا اظہار کیا۔