ویب ڈیسک: وزیر اعظم کے احکامات کی روشنی میں جشن عید میلادالنبی ﷺ مذہبی جوش جذبہ سے منایا جا رہا ہے۔ عید میلاد النبیؐ کے مبارک موقع پر دارالحکومت اسلام آباد کو برقی قمقموں سے انتہائی خوبصورتی کے ساتھ سجا دیا گیا ہے۔
اہم نجی و سرکاری عمارتیں، مساجد، گلی محلوں اور تمام بڑی شاہراہوں پر رنگ برنگی لائٹیں لگادی گئیں۔ فیصل مسجد، شاہراہ دستور، ایکسپریس ہائی وے سمیت تمام شاہراہوں پر خوبصورت برقی قمقموں لگا دیئے گئے ہیں۔
بارہ ربیع الاول کی خوشی میں پہلی بار شہر میں سب سے زیادہ قندیلیں روشن کی گئیں۔ روشنیوں سے جگمگائے نظارے سب کی توجہ کامرکز بنے ہوئے ہیں۔ اسلام آباد کی ضلعی انتظامیہ نے جشن عید میلاد النبیؐ کے حوالے سے ویڈیو بھی جاری کردی۔
