ویب ڈیسک: 16 سال اقتدار میں رہنے کے بعد جرمن چانسلر اینجلا مرکل کا دور اپنے اختتام کو پہنچ چکا ہے۔ اینجلا مرکل کو صدر کی جانب سے باضابطہ طور پر چارج چھوڑنے کا سرٹیفکیٹ بھی موصول ہو چکا ہے۔ اینجلا مرکل چار ادوار کیلئے جرمنی کی چانسلر رہی ہیں۔ 16 سال اقتدار میں رہنے کے بعد چانسلر اینجلا مرکل جلد ہی سیاسی میدان سے دستبردار ہو جائیں گی۔
انیجلا مرکل 2005 سے جرمنی کی چانسلر کے طور پر خدمات انجام دے رہی ہیں۔ اس طویل عرصے میں وہ چار امریکی صدور، چار فرانسیسی صدور اور پانچ برطانوی وزرائے اعظم کے ساتھ ساتھ کئی دیگر عالمی رہنماؤں کے ساتھ کام کر چکی ہیں۔