اسلام آباد کیش وین

اسلام آباد میں ڈاکوئوں کے کیش وین کو لوٹنے کی ویڈیو وائرل

ویب ڈیسک: اسلام آباد میں تھانہ آئی نائن کے علاقے میں بینک سے رقم لے جانے والی کیش وین پر ڈاکوئوں کے حملے اوررقم چھین کر فرار ہونے کی ویڈیو سوشل میڈیا پر وائرل ہوگئی ۔ ویڈیو میں مسلح افرادکو گارڈ ز پر دھاوا بولتے دیکھا جاسکتا ہے جب کہ ڈاکوئوں کا ایک ساتھی کیش وین سے رقم سے بھرے دو تھیلے اٹھائے نکلتے بھی دیکھا جا سکتا ہے جس کے بعد پانچوں ڈاکو قریب ہی کھڑی سفید رنگ کی گاڑی میں بیٹھ کر فرار ہوجا تے ہیں۔

مزید پڑھیں:  6جماعتی اپوزیشن اتحاد کا تحریک تحفظ آئین کا اعلان

دن دیہاڑے ملک کے وفاقی دارالحکومت میں اس دلیرانہ واردات کے بعد جہاں اسلام آباد پولیس کی کارکردگی پر تنقید کی جا رہی ہے وہیں کیش وین کے سیکیورٹی عملے کی جانب سے معمولی مزاحمت پر بھی سوال اٹھائے جا رہے ہیں۔ پانچ ڈاکو سب کے سامنے پیسوں سے بھرے دو بیگ چھین کر فرار ہو گئے جب کہ ڈاکو جاتے ہوئے ایک گارڈ کو بھی زخمی کر گئے۔

مزید پڑھیں:  بھارتی دہشتگرد پر حملہ کرنیوالاعامر تانبا قاتلانہ حملے میں زخمی