آئی جی موٹر ویز انعام غنی نے شراب پینے والے ڈرائیورز کے خلاف قانونی کارروائی کا بڑا فیصلہ کرتے ہوئے کہا ہے کہ موٹر وے پولیس کو جدید بریتھ اینالائزر آلے فراہم کیے جا رہے ہیں۔
آئی جی موٹر ویز کا کہنا ہے کہ شراب نوشی کے زیر اثر ڈرائیونگ جان لیوا حادثات کی اہم وجہ ہے اور اسی سبب قومی شاہراہوں پر شراب کے زیر اثر ڈرائیورز کو چیک کیا جائے گا، انہوں نے بتایا کہ موٹروے پولیس کو شراب کو چیک کرنے والے بریتھ اینالائزر آلے فراہم کیے جارہے ہیں۔
یہ بھی پڑھیں:پاکستان انٹر نیشنل ائیر لائنز کے اکائونٹس منجمد کر دئیے گئے
ان کا مزید کہنا تھا کہ موٹروے پولیس شراب نوش ڈرائیورز کو بریتھ اینالائزر آلے کی مدد سے چیک کرے گی اور نشے کی حالت میں ڈرائیونگ کرنے والے ڈرائیورز کے خلاف قانونی کارروائی کی جائے گی ، موٹروے پولیس محفوظ سفر کو یقینی بنانے کے لیے ہر ممکن اقدامات کرے گی۔
