پاکستان میں مہلک وبا کورونا وائرس سے 24 گھنٹوں کے دوران مزید 6 افراد زندگی سے ہاتھ دھو بیٹھے ہیں ۔
نیشنل کمانڈ اینڈ آپریشن سینٹر کی جانب سے جاری بیان کے مطابق گزشتہ 24 گھنٹوں کے دوران ملک میں کورونا کی تشخیص کے لیے 36 ہزار569 ٹیسٹ کیے گئے جن میں سے 758 افراد میں کورونا وائرس کی تصدیق ہوئی۔
یہ بھی پڑھیں:پاکستان: کورونا کیسز میں مسلسل کمی، شرح 2 فیصد پر آگئی
رپورٹ کے مطابق گزشتہ روز اس وبا نے مزید 6 افراد کی زندگیوں کو نگل لیا جب کہ مثبت کیسز کی شرح 2.07 فیصد ریکارڈ ہوئی ہے۔ اس کے علاوہ 722 مریضوں کی حالت تشویشناک ہے۔
