وزیراعظم شہبازشریف

وزیراعظم شہبازشریف کا قائممقام افغان وزیراعظم کوٹیلیفون، زلزلے میں جانی ومالی نقصان پراظہار تعزیت

ویب ڈیسک: وزیر اعظم محمد شہباز شریف نے عبوری افغان حکومت کے قائم مقام وزیر اعظم ملا محمد حسن اخوند کو ٹیلی فون کیا، وزیر اعظم نے افغانستان میں آنے والے تباہ کن زلزلے کے نتیجے میں جانی اور مالی نقصان پر پاکستان کی حکومت اور عوام کی جانب سے گہری ہمدردی اور تعزیت کا اظہار کیا۔

جاں بحق افراد کی مغفرت اور زخمیوں کی جلد صحتیابی کی دعا کی۔

مزید پڑھیں:  این اے 130سے نواز شریف کی کامیابی الیکشن ٹریبونل میں چیلنج

وزیراعظم شہبازشریف نے کہا کہ پاکستان مشکل کی اس گھڑی میں اپنے افغان بھائیوں کے ساتھ کندھے سے کندھا ملا کر کھڑا ہے۔ غلام خان اور انگور اڈہ بارڈر کراسنگ پوائنٹس کو پاکستانی ہسپتالوں میں علاج کے لیے شدید زخمی افغانوں کی آمدورفت کے لیے کھول دیا گیا ہے، آنے والے دنوں میں بھی پاکستان افغانستان کی مدد جاری رکھے گا۔

مزید پڑھیں:  مردان میں زبانی تکرار پر شوہر نے بیوی کو قتل کردیا

وزیراعظم شہبازشریف نے موثر سرحدی انتظام کے ذریعے تجارت اور لوگوں کی نقل و حرکت کو آسان بنانے کے لیے حکومت پاکستان کے اقدامات سے بھی آگاہ کیا اور کہا کہ پاکستان امن، ترقی اور خوشحالی کے مقصد کو فروغ دینے کے لیے دوطرفہ تعلقات کو مضبوط بنانے کے لیے پرعزم ہے۔