ڈیف ٹی ٹوئنٹی

ڈیف ٹی ٹوئنٹی کرکٹ ورلڈکپ کا ٹائٹل پاکستان کے نام

ویب ڈیسک:پاکستان نے ڈیف ٹی ٹوئنٹی کرکٹ ورلڈ کپ 2024کے فائنل میں سری لنکا کو باآسانی شکست دے کر ٹائٹل اپنے نام کرلیا ۔
شارجہ میں کھیلے گئے ڈیف ٹی ٹوئنٹی ورلڈ کپ 2024 کے فائنل میں پاکستان ڈیف کرکٹ ٹیم نے پہلے بیٹنگ کرتے ہوئے مقررہ 20 اوورز میں 6 وکٹوں کے نقصان پر 151 رنز بنائے تھے۔
پاکستان کی جانب سے باسط عباسی نے 62 اور فیضان خان نے 28 رنز بنا کر ٹیم کی جیت بنیاد رکھی۔
ہدف کے تعاقب میں سری لنکا کی ٹیم 63 رنز پر ڈھیر ہو گئی اور پاکستان نے ورلڈ کپ کے فائنل میں باآسانی 88 رنز سے کامیابی سمیٹی، پاکستان کے فاسٹ بالر جبار علی اور منظور خان بالترتیب دو اور چار اوورز کرائے اور 3، 3 وکٹیں حاصل کیں۔
ڈیف ٹی ٹوئنٹی ورلڈ کپ کی فاتح ٹیم آج رات 11 بجے لاہور پہنچے گی۔

مزید پڑھیں:  پشاور، ایک ماہ کا بجٹ معاملہ، اپوزیشن نے صوبائی حکومت کیخلاف رٹ دائر کر دی