مدیحہ رضوی

اداکارہ مدیحہ رضوی نے دوسری شادی کرلی

ویب ڈیسک: پاکستانی اداکارہ مدیحہ رضوی نے دوسری شادی کرلی جس کی ویڈیوز اور تصاویر سوشل میڈیا کی زینت بنی ہوئی ہیں۔
اداکارہ کی جانب سے بھی ایک ویڈیو اپنے انسٹاگرام اکانٹ پر شیئر کی گئی جو کے نکاح کی ہے۔
میڈیا رپورٹس کے مطابق مدیحہ رضوی نے طلاق کے بعد اپنے دیرینہ دوست رائٹر جنید علی پرویز سے دوسری شادی کی جن کا تعلق شہرِ قائد سے ہے۔
اداکارہ کو شوبز شخصیات کی جانب سے زندگی کے اس نئے سفر کے آغاز پر مبارکبادیں دی جارہی ہیں۔
واضح رہے کہ مدیحہ رضوی کی پہلی شادی 2014 میں اداکار حسن نعمان سے ہوئی تھی۔
ان کی پہلی شادی 8 سال ہی چل سکی اور جوڑے کی دو بیٹیاں بھی ہیں جب کہ نومبر 2022 میں مدیحہ رضوی نے اپنی پہلی شادی ختم ہونے کی تصدیق کی تھی۔

مزید پڑھیں:  بجلی لوڈشیڈنگ پر چارسدہ اور نوشہرہ کے عوام کا شدید احتجاج، شاہراہیں بند