سپنر راشد خان

افغان سپنر راشد خان 4سال بعد کابل پہنچ گئے ،شاندار استقبال

ویب ڈیسک: افغانستان کے اسٹار سپنر راشد خان 4 سال بعد اپنے وطن واپس پہنچ گئے،کابل پہنچنے پر افغانستان کرکٹ بورڈ نے ان کا استقبال کیا۔
راشد خان حالیہ برسوں میں اپنے مصروف شیڈول اور مختلف کرکٹ ٹورنامنٹس میں مصروفیات کی وجہ سے اپنے ملک کا دورہ نہیں کر سکے تھے۔
راشد خان گزشتہ روز صبح آئی پی ایل کی ٹیم گجرات ٹائٹنز کی نمائندگی کے بعد کابل پہنچے، کابل کے بین الاقوامی ہوائی اڈے پر افغانستان کرکٹ بورڈکے چیئرمین اور کئی کھلاڑیوں نے ان کا شاندار استقبال کیا۔
افغان کرکٹر آنے والے دنوں میں 2024 کے آئی سی سی ٹی ٹوئنٹی ورلڈ کپ کے میچوں کے لیے ویسٹ انڈیز جائیں گے۔
16 مئی کو افغانستان کی قومی کرکٹ ٹیم آئی سی سی ٹی 20 ورلڈ کپ میں شرکت کے لیے ویسٹ انڈیز روانہ ہو چکی ہے، ٹی ٹوئنٹی ورلڈکپ میں افغانستان کا پہلا میچ 3 جون کو یوگنڈا کے خلاف شیڈول ہے۔
اس کے بعد نیوزی لینڈ، نمیبیا اور ویسٹ انڈیز کے خلاف میچز ہوں گے۔

مزید پڑھیں:  عید الاضحیٰ میں 20 گرڈ سٹیشنز سے 153 فیڈرز کی بجلی زبردستی بحال