اسلام آباد : ملک بھر میں ٹڈی دل کے خلاف آپریشن کی تفصیلات،اس وقت ملک کے 48 اضلاع میں ٹڈی دل موجود ہے،
تفصیلات کے مطابق بلوچسستان کے 33، خیبر پختونخواہ 10، پنجاب 2 اور سندھ کے 3 اضلاع متاثر، بلوچسستان میں خضدار، آواران، نوشکی، چاغی، گوادر، اتھل، کیچ، پنجگور، خاران، وشک اور کوئٹہ کے علاوہ دیگر اضلاع بھی متاثر۔
کے پی میں ڈیرہ اسماعیل خان، ٹانک، شمالی و جنوبی وزیرستان، لکی مروت، کرک، کرم، اورکزئی، پشاور اور خیبر کے اضلاع متاثر،پنجاب کے میانوالی اور ڈیرہ غازی خان کے اضلاع میں ٹڈی دل موجود ہے.
سندھ میں سانگھڑ، شہید بے نظیر آباد اورحیدرآباد میں ٹڈی دل کے حملے،ٹڈی دل کے متاثرہ علاقوں کا سروے اور کنٹرول آپریشن جاری ہے.
ترجمان این ڈی ایم اے کے مطابق 1122 ٹیموں نے لوکسٹ کنڑول آپریشن میں حصہ لیا،گذشتہ 24 گھنٹوں میں 3 لاکھ 55 ہزار ہیکٹر رقبہ کا سروے ہوا
24 گھنٹوں میں 4830 ہیکٹر رقبہ کا ٹڈی دل کو تلف کرنے والی ادویات کا اسپرے کیا گیا.
بلوچستان میں 3400 ہیکٹر رقبہ پر اسپرے کیا گیا،پنجاب میں 30 ہیکٹر پر سپرے کیا گیا۔خیبر پختونخواہ میں 1100 ہیکٹر رقبہ کی ٹریٹمنٹ ہوئی،سندھ میں گذشتہ روز 300 ہیکٹر رقبہ ٹریٹمنٹ کیا گیا.
اب تک پورے ملک میں 5 لاکھ 29 ہزار 300 ہیکٹر رقبہ پر سپرے کیا جا چکا ہے،پشین میں 340ہیکٹر رقبہ پر ہوائی جہاز کے ذریعے کیمیائی اسپرے کیا گیا۔
