اسلام آباد : ترجمان امریکی سفارتخانہ اسلام آباد نے ایک بیان میں کہا ہے کہا امریکہ کے نمائندہ خصوصی برائے افغان مفاہمتی عمل زلمے خلیل زاد نے 7 جون کو اسلام آباد کا دورہ کیا.
زلمے خلیل زاد نے دورے میں آرمی چیف جنرل قمر جاوید باجوہ سے ملاقات کی،ملاقات میں انٹرا افغان مزاکرات شروع کرنے کیلئے مطلوبہ اقدامات بارے بات چیت کی گئی.
فریقین نے عید سیزفائر، قیدیوں کی رہائی میں پیش رفت اور انٹرا افغان مزاکرات سے قبل تشدد میں کمی پر تبادلہ خیال کیا گیا،زلمے خلیل زاد نے افغانستان میں امن کیلئے وزیراعظم عمران خان اور آرمی چیف جنرل قمر جاوید باجوہ کے کردار کو سراہا.
فریقین نے اتفاق کیا کہ افغانستان میں امن خطے کی سیکیورٹی اور ترقی کیلئے ناگزیر ہے.