صدرڈاکٹرعارف علوی نے کہاہے کہ حکومت کی سمارٹ لاک ڈاؤن حکمت عملی کے نتیجے میں ملک میں کوروناوائرس کے متاثرہ مریضوں کی بڑی تعدادصحت یاب ہوئی ہے۔
ایک ٹوئیٹ میں انہو ں نے کہاکہ اس بات کاسہراغریب نوازاوردانشمندانہ حکومت کے فیصلوں اورپاکستان کے عوام کوجاتاہے جس نے ہدایات اورقواعدوضوابط کی پاسداری کی ۔
صدرنے وباء کے بارے میں قوم کے نقطہ نظر کوسراہا اور کہاکہ آپ نے یہ ثابت کردیاہے کہ ایک منظم قوم ایسا کرسکتی ہے۔
انہوں نے ایک تازہ ترین جائزہ گراف کابھی حوالہ دیاجس میں پاکستان اوربھارت میں کوروناوائرس کے مریضوں کاتقابل دکھایاگیا۔
ڈاکٹرعارف علوی نے کہاکہ ہمیں عیدالاضحی کے موقع پربھی قواعدوضوابط، سماجی فاصلے،ماسک پہننے اورہاتھ دھونے جیسے قواعدوضوابط یقینی بناکراسی طرح کاطرزعمل جاری رکھتے ہوئے احتیاطی تدابیراختیارکرناہوں گی۔
