ویب ڈیسک: ملک بھر میں حالیہ ہونے والی مون سون بارشوں کے باعث تربیلا ڈیم اپنی صلاحیت کے مطابق مکمل بھر گیاہے ۔
ترجمان واپڈا نے بتایا ہے کہ تربیلا ڈیم میں پانی کی سطح ایک ہزار550فٹ ہے، تربیلا میں آج پانی کا ذخیرہ 57لاکھ 66 ہزار ایکڑ فٹ ہے۔
تربیلا کے مقام پر دریائے سندھ میں پانی کی آمد 2 لاکھ 56 ہزار 400 کیوسک اور اخراج 2 لاکھ 35 ہزار 600کیوسک ہے۔
واپڈا ترجمان کے مطابق منگلا کے مقام پر دریائے جہلم میں پانی کی آمد 25 ہزار 800 کیوسک اور اخراج 10 ہزار کیوسک ہے۔
چشمہ بیراج میں پانی کی آمد 3 لاکھ 85 ہزار 300 کیوسک اور اخراج 3 لاکھ 49 ہزار400 کیوسک ہے۔
ترجمان کا کہنا ہے کہ ہیڈ مرالہ کے مقام پر دریائے چناب میں پانی کی آمد 62 ہزار 700 کیوسک اور اخراج 38 ہزار 300 کیوسک ہے، نوشہرہ کے مقام پر دریائے کابل میں پانی کی آمد 66 ہزار 400 کیوسک اور اخراج 66 ہزار400 کیوسک ہے۔
واپڈا کے ترجمان نے کہا ہے کہ منگلا میں آج پانی کا ذخیرہ 51 لاکھ 69 ہزار ایکڑ فٹ ہے، چشمہ میں آج پانی کا ذخیرہ ایک لاکھ 2 ہزار ایکڑفٹ ہے، تربیلا ،منگلا اور چشمہ ریزوائر میں پانی کا مجموعی ذخیرہ 1 کروڑ 10 لاکھ37 ہزار ایکڑ فٹ ہے۔
