ویب ڈیسک: بچوں کے حقوق سے متعلق قومی کمیشن نے اسٹیک ہولڈرز کے ساتھ پرہیبیشن آف چائلڈ ڈومیسٹک لیبر بل 2024 پر مشاورتی عمل شروع کردیا ہے چائلڈ ڈومیسٹک لیبر بل 2024 بچوں کو گھریلو مزدوری میں ملوث کرنے والوں کے خلاف قانونی اقدامات کو مضبوط بنا کر تبدیلی لانے کے لیے تیار ہے۔اس بل کا مقصد پاکستان پینل کوڈ، 1860، اور ضابطہ فوجداری، 1898 میں ترمیم کرنا ہے، تاکہ بچوں کی گھریلو مشقت کو جرم قرار دیا جا سکے اور اس لعنت کو ختم کیا جا سکے۔
پشاور میں ہونے والی مشاورتی سیشن کے شرکا نے مجوزہ بل کو بہتر بنانے کے لیے خدشات کو دور کیا اور تجاویز اکٹھی کیں۔مشاورتی عمل پر تبصرہ کرتے ہوئے، نادیہ بی بی، ممبر خیبر پختونخواہ، NCRC، نے کہایہ بل گھریلو مزدوری کی لعنت کو ختم کرنے کے لیے ہمارے پختہ عزم کی عکاسی کرتا ہے بچوں کا استحصال برداشت نہیں کیا جائے گا۔ ہم تمام اسٹیک ہولڈرز سے اپیل کرتے ہیں کہ وہ ہر بچے کے حقوق اور عزت کے تحفظ کے لیے اس اہم مشن میں ہمارے ساتھ شامل ہوں۔فرح الیاس چائلڈ پروٹیکشن اسپیشلسٹ، یونیسیف نے کہایہ صحیح معنوں میں ایک بچے کے حق کو حاصل کرنے کی طرف ایک اہم قدم ہے جس سے گھریلو مزدوری سے تحفظ حاصل کیا جائے اور اس بدسلوکی اور تشدد کو ختم کیا جائے جس کا بچوں کو نشانہ بنایا جا رہا ہے۔
